Gjykimi për rastin “Banjska” pritet të filloj më 17 prill 2024.

Kështu ka bërë të ditur për Arbresh.info, Mirlinda Gashi, zëdhënëse e Gjykatës Themelore në Prishtinë.

“Referuar kërkesat tuaja për informatat, ju njoftojmë seanca e shqyrtimit të çështjeve ndaj të pandehurve VT, BS dhe DM janë të vendosura në datën 17.04.2025 në orën 09:30”, thuhet në përgjigjen e Gashit.

Ndryshe, Prokuroria Speciale e Kosovës (PSRK) më 11 shtator ka ngritur aktakuzë kundër Milan Radoiçiqit dhe 44 personave të tjerë për sulmin terrorist të 24 shtatorit 2023 në Banjskë të Zveçanit.

Të akuzuarit ngarkohen se përmes përdorimit të dhunës me armatim të rëndë, tentuan ta shkëpusin pjesën veriore të territorit të Republikës së Kosovës e t’ia bashkojnë Republikës së Serbisë, me ç’rast si rezultat i dhunës së përdorur ka mbetur i vdekur zyrtari policor Afrim Bunjaku e u rrezikua jeta e zyrtarëve tjerë policorë dhe popullatës civile.

45 të akuzuarit ngarkohen për veprat penale “Kryerja e veprës terroriste”, “Veprat e rënda kundër rendit kushtetues dhe sigurisë së Republikës së Kosovës”, “Lehtësimi dhe financimi në kryerjen e terrorizmit” si dhe “Shpërlarja e parave”./Arbresh.info